The “Ganesha Vajra Panjara Stotram” ( గణేశ వజ్ర పంజర స్తోత్రం ) is a revered hymn dedicated to Lord Ganesha, the elephant-headed deity known for removing obstacles and bringing success and wisdom.
గణేశ వజ్ర పంజర స్తోత్రం
ధ్యానమ్ ।
త్రినేత్రం గజాస్యం చతుర్బాహుధారం
పరశ్వాదిశస్త్రైర్యుతం భాలచంద్రమ్ ।
నరాకారదేహం సదా యోగశాంతం
గణేశం భజే సర్వవంద్యం పరేశమ్ ॥ 1 ॥
బిందురూపో వక్రతుండో రక్షతు మే హృది స్థితః ।
దేహాంశ్చతుర్విధాంస్తత్త్వాంస్తత్త్వాధారః సనాతనః ॥ 2 ॥
దేహమోహయుతం హ్యేకదంతః సోఽహం స్వరూపధృక్ ।
దేహినం మాం విశేషేణ రక్షతు భ్రమనాశకః ॥ 3 ॥
మహోదరస్తథా దేవో నానాబోధాన్ ప్రతాపవాన్ ।
సదా రక్షతు మే బోధానందసంస్థో హ్యహర్నిశమ్ ॥ 4 ॥
సాంఖ్యాన్ రక్షతు సాంఖ్యేశో గజాననః సుసిద్ధిదః ।
అసత్యేషు స్థితం మాం స లంబోదరశ్చ రక్షతు ॥ 5 ॥
సత్సు స్థితం సుమోహేన వికటో మాం పరాత్పరః ।
రక్షతు భక్తవాత్సల్యాత్ సదైకామృతధారకః ॥ 6 ॥
ఆనందేషు స్థితం నిత్యం మాం రక్షతు సమాత్మకః ।
విఘ్నరాజో మహావిఘ్నైర్నానాఖేలకరః ప్రభుః ॥ 7 ॥
అవ్యక్తేషు స్థితం నిత్యం ధూమ్రవర్ణః స్వరూపధృక్ ।
మాం రక్షతు సుఖాకారః సహజః సర్వపూజితః ॥ 8 ॥
స్వసంవేద్యేషు సంస్థం మాం గణేశః స్వస్వరూపధృక్ ।
రక్షతు యోగభావేన సంస్థితో భవనాయకః ॥ 9 ॥
అయోగేషు స్థితం నిత్యం మాం రక్షతు గణేశ్వరః ।
నివృత్తిరూపధృక్ సాక్షాదసమాధిసుఖే రతః ॥ 10 ॥
యోగశాంతిధరో మాం తు రక్షతు యోగసంస్థితమ్ ।
గణాధీశః ప్రసన్నాత్మా సిద్ధిబుద్ధిసమన్వితః ॥ 11 ॥
పురో మాం గజకర్ణశ్చ రక్షతు విఘ్నహారకః ।
వాహ్న్యాం యామ్యాం చ నైరృత్యాం చింతామణిర్వరప్రదః ॥ 12 ॥
రక్షతు పశ్చిమే ఢుంఢిర్హేరంబో వాయుదిక్ స్థితమ్ ।
వినాయకశ్చోత్తరే తు ప్రమోదశ్చేశదిక్ స్థితమ్ ॥ 13 ॥
ఊర్ధ్వం సిద్ధిపతిః పాతు బుద్ధీశోఽధః స్థితం సదా ।
సర్వాంగేషు మయూరేశః పాతు మాం భక్తిలాలసః ॥ 14 ॥
యత్ర తత్ర స్థితం మాం తు సదా రక్షతు యోగపః ।
పురశుపాశసంయుక్తో వరదాభయధారకః ॥ 15 ॥
ఇదం గణపతేః ప్రోక్తం వజ్రపంజరకం పరమ్ ।
ధారయస్వ మహాదేవ విజయీ త్వం భవిష్యసి ॥ 16 ॥
య ఇదం పంజరం ధృత్వా యత్ర కుత్ర స్థితో భవేత్ ।
న తస్య జాయతే క్వాపి భయం నానాస్వభావజమ్ ॥ 17 ॥
యః పఠేత్ పంజరం నిత్యం స ఈప్సితమవాప్నుయాత్ ।
వజ్రసారతనుర్భూత్వా చరేత్సర్వత్ర మానవః ॥ 18 ॥
త్రికాలం యః పఠేన్నిత్యం స గణేశ ఇవాపరః ।
నిర్విఘ్నః సర్వకార్యేషు బ్రహ్మభూతో భవేన్నరః ॥ 19 ॥
యః శృణోతి గణేశస్య పంజరం వజ్రసంజ్ఞకమ్ ।
ఆరోగ్యాదిసమాయుక్తో భవతే గణపప్రియః ॥ 20 ॥
ధనం ధాన్యం పశూన్ విద్యామాయుష్యం పుత్రపౌత్రకమ్ ।
సర్వసంపత్సమాయుక్తమైశ్వర్యం పఠనాల్లభేత్ ॥ 21 ॥
న భయం తస్య వజ్రాత్తు చక్రాచ్ఛూలాద్భవేత్ కదా ।
శంకరాదేర్మహాదేవ పఠనాదస్య నిత్యశః ॥ 22 ॥
యం యం చింతయతే మర్త్యస్తం తం ప్రాప్నోతి శాశ్వతమ్ ।
పఠనాదస్య విఘ్నేశ పంజరస్య నిరంతరమ్ ॥ 23 ॥
లక్షావృత్తిభిరేవం స సిద్ధపంజరకో భవేత్ ।
స్తంభయేదపి సూర్యం తు బ్రహ్మాండం వశమానయేత్ ॥ 24 ॥
ఏవముక్త్వా గణేశానోఽంతర్దధే మునిసత్తమ ।
శివో దేవాదిభిర్యుక్తో హర్షితః సంబభూవ హ ॥ 25 ॥
ఇతి శ్రీమన్ముద్గలే మహాపురాణే ధూమ్రవర్ణచరితే వజ్రపంజరకథనం నామ త్రయోవింశోఽధ్యాయః ।
The “Ganesha Vajra Panjara Stotram” is a revered hymn dedicated to Lord Ganesha, the elephant-headed deity known for removing obstacles and bringing success and wisdom. This stotra is particularly focused on invoking the protection and blessings of Ganesha through a powerful set of verses.
The text is often recited for protection, to overcome difficulties, and to gain the strength and wisdom of Lord Ganesha. Here’s a general overview of what the stotra entails:
Structure and Content
- Invocation: The hymn typically begins with an invocation or salutation to Lord Ganesha, recognizing his divine attributes and his role as the remover of obstacles.
- Praise: The stotra contains verses that praise Ganesha’s various forms and aspects, emphasizing his powers and the virtues he embodies.
- Protection: The central focus of the stotra is invoking Ganesha’s protection, often described metaphorically as a “Vajra Panjara” (diamond armor), which symbolizes an unbreakable shield against adversities.
- Conclusion: The hymn usually concludes with a prayer or a plea for Ganesha’s continued guidance and protection.